"එපා හිරු පායන්න අදින් පසු මගෙ ලොවට!"

අඳුරු අහසක තනිකරල ගියාට,
හඳ පායල තිබුන මගේ අහසට
වලාකුලුත් මඟ කීව සඳ වට බබලන්න!
ඇයි ආයෙ ආයෙත් හිරු පායන්නෙ?

මේ ගිනි දවාලක!

ඉර එලියනෙ හැමෝටම ඕනෙ කිවුවෙ!
ඉතින් ඇයි දැන් තරු ගැන හිතන්නෙ!
තරු ඔහේ තිබුනාවෙ තියෙන විදිහට!

හඳ එලියට විතරයි තරු දිලිසෙන්නෙ!

නුඹ!

සිතට දිව එන,
ඔලුවෙ කැරකෙන,
යන එන මග නිතර මැවෙන,
මා පසුපස සෙවනැල්ල මෙන් වද දෙමින්,
මුලු ජීවිතයේම ජීවත්වෙන,
එකම සිතිවිල්ල...

දිගුකාලීන කෙටි කතාව

නොදන්නවාට ආදරේ තරම්,
දැනගන්න උවමනාවකුත් නැතිකොට,
නොදන්වාම ඉන්න සිතුවෙමි.
සිතින් දුක් වේවි යැයි මෙතරම්,
නොසිතුවෙමි.
එදා..

හැමදාටම

මම තවම බලනවා
පෙර ඔබ සිටි තැනම බලනවා
මම තවමත් යනවා
එ පින්බිමට
මම යනවා එනවා
මම තවම සොයනවා
මා නෙතු ඔබව සොයනවා
මා සිතට කියනවා
ඔබ දැන් නැතැයි කියනවා
මා නැවත බලනවා
ඔබ සිටි තැන
මම තවම සොයනවා...