දුර ඉඳන් බලනකන්

තරුවක් හරිම පුංචිලු
තනි තරුවක එලිය මදි වගේලු
ළඟට යන්න බයයිලු
පිච්චිලා අළු වෙන්න

හිනහෙමු යලී දිවි ඇති තුරා

අපි අපෙන් වෙන් උනේ පෙර කල පවෙන්,
ඒ මතක මා රිදවයි හෙටත්...
දැන උන්න නම්, දුර යන බවක්
මේ තරම් දුරකටම නොඑනා ලෙසින්,
සමුගන්නෙ නෑ...
මගේ ආදරේ... නොකියන්නෙ නෑ...
යලි හමුවනු බැරි ලෙසින්, අපි දුර උනත්
මා ජීවිතේ පින් ඔබටයි සදා
හැකි ඉක්මනින්... මතු අත්භවේ... එන්නම් සොයා...
හිනහෙමු යලී දිවි ඇති තුරා 

වෙසක් පෝයට

තනි තනිව, වෙන් වෙන්ව
අපි දෙන්නම ආපු එකම පන්සලට
අදත් අපි යමු
තනියෙන් නෙමෙයි
ඒත් වෙන් වෙන්ව 

කරුමය

ඔයත් හරියට මුහුද වගේ
දුරින් බලනකොට ලස්සනයි
රැල්ලට අහු උනහමයි හිතෙන්නෙ
මේ මොන කරුමයක්ද 

ජීවිතේ

කියාගන්න වචනයක් නැති වෙන්න
අඩාගන්න කදුලක් නැතිවෙන්න
පින්තූරෙකට පුලුවන් නම් මෙහෙම හිත රිදවන්න
හරි දුකයි ජීවිතේ මගෙන් ඈතට යන්න 

ඉන්නව නම් - මට කියන්න.

මටත් ඉන්නව "නම්"
හැමදේම ආදරෙන් බෙදාගන්න කැමති කෙනෙක්,
කිසිම දෙයක් හන්ගන්නෙ නැතුව ගිරවෙක් වගේ මම කියවනකොට මාව කරදරයක් නොවී එයාටත් ගිරවෙක් වෙන්න පුලුවන් කෙනෙක්,
මම වගේම මාත් එක්ක හැමදේම ඔහේ කියවන කෙනෙක්,
කොච්චර මහන්සි උනත් රසට උයන්න මගේ හිතට හිතෙන තරමට ආදරෙන් උදව් කරන කෙනෙක්,
ජීවිතේ අනිත් මිස්සු අපිට කරන උදව්, උදව්වක් විදිහට දකින නිහතමානි අදරණීයයෙක්,
කරන දේ කියන , කියන දේ කරන්න පුලුවන් කෙනෙක්,
මට කියන්න. මම ඉන්නව ඔයා වෙනුවෙන් ජීවිතේම දෙන්න

මගේ පිස්සුව

මටත් පිස්සුවෙන් වගේ ආදරේ කෙනෙක් ඉන්නව නම්
මමත් ආසයි ඊටත් වඩා පිස්සුවෙන් ආදරේ කරන්න
පිස්සුවෙන් වගේ ආදරේ කරල
දුක් විඳල මැරිල යන්න

ඇරයුමයි

ලඟ ඉඳන් මගේ හිත සනසන
මට ඕනෙ තනිවෙන්න ඔයා ලඟ
හැමදාම මගෙ දුකට දුක් වෙන
තනිවෙලා ඉමු කවිය මගේ ලඟ